Geirlandsá í útboð

Samkvæmt upplýsingum frá veiðifélagi Geirlandsár í Vestur-Skaftafellssýslu hefur verið ákveðið að áin fari í útboð frá og með næsta hausti.

Geirlandsá er ein af þekktustu og bestu sjóbirtingsám landsins og hefur um áratuga skeið verið í leigu hjá Stangveiðifélagi Keflavíkur. Veiðin í ánni er að uppistöðu vænn sjóbirtingur en að auki er nokkur laxveiði.

Áin er 22 km löng bergvatnsá, þar af er fiskgengur hluti árinnar um 12 km. Efsti veiðistaður árinnar er Hagafoss en fyrir neðan hann rennur áin í mikilfenglegu gljúfri sem breikkar þegar neðar dregur í ána uns hún breiðir úr sér á malaraurum, en á neðsta hluta árinnar er svo sandbotn.

Samkvæmt upplýsingum frá veiðifélaginu hefur veiðin síðustu árin verið eftirfarandi:

                               2014                      2015                      2016

Sjóbirtingur            366                         353                         517

Lax                         60                           30                           27

• Blogga um frétt

Seinustu hundraðkallar sumarsins