Að sögn Bjarna Höskuldssonar, tilsjónarmanns með urriðasvæðinu í Laxárdal í Þingeyjarsýslu, hefur veiði verið fín upp á síðkastið hjá þeim sem þekktu vel til.
Laxárdalurinn væri vandveiddur og sagði Bjarni að það gerði gæfumuninn að menn þekki svæðið vel eða hefðu leiðsögumann. Hann sagði að um 550 urriðar væru komnir á land sem væri mjög gott því nýting á svæðinu hefði ekki verið góð í sumar.
Meirihluti af veiðinni síðustu árin hefur verið urriði sem er stærri en 50 cm og einn fimmti verið 60 cm eða stærri. Menn væru því fremur að veiða svæðið í von um að fá stóran urriða en fá mikið magn. Þeir væru því almennt stærri en færri miðað við urriðasvæðið ofar í dalnum í Mývatnssveitinni.
Fram kom hjá Bjarna að hjónin Rick og Mary O'Connel hafi nýlega lokið veiðum í dalnum og þau meðal annars fengið hvort sinn 70 cm urriðann. Rick hefði fengið sinn á straumflugu í Soginu svokallaða, en Mary hefði fengið sinn á Caddis púpu á Nestá. Þess utan voru þau með nokkra væna urriða á bilinu 63 til 67 cm. Þau halda því glöð heim úr dalnum að þessu sinni.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |