Laxveiði víðast hvar lokið

Á vef Landssambands veiðifélaga er að finna lokatölur úr mörgum laxveiðiám á landinu þetta tímabilið. Flestar náttúrulegu árnar er búnar að loka en þær allra síðustu gera það um helgina. Veiði í þeim ám sem byggja á gönguseiðasleppingum munu hins vegar verða stunduð vel fram í október.

Fram kemur að veiði hafi gengið misvel þessa veiðivikuna og sumstaðar hafi skilyrði til veiða verið afleit sökum mikillar úrkomu og vatnavaxta sem fylgdu í kjölfarið. Þar sem voru ágætis aðstæður til veiða var vikuveiðin góð miðað við árstíma. 

Röð efstu tíu ánna er óbreytt og sem fyrr er Ytri-Rangá efst á listanum, þar sem enn er veiða, með heildarveiði upp á 6835 laxa og var veiðin í síðustu viku 309 laxar. Í öðru sæti er Miðfjarðará en þar sem veiði lauk um síðustu helgi og veiddust alls 3765 laxar og vikuveiðin var 138 laxar.

Vikulistinn yfir 10 efstu árnar lítur þannig út:

1. Ytri-Rangá 6.835 laxar - vikuveiði 309 laxar
2. Miðfjarðará 3.765 laxar - vikuveiði 138 laxar - LOKATALA
3. Þverá/Kjarrá 2.060 laxar – veiði lokið - LOKATALA
4. Eystri-Rangá 2.011 laxar – vikuveiði 11 laxar
5. Norðurá 1.719 laxar – veiði lokið - LOKATALA
6. Langá á Mýrum 1.701 laxar - vikuveiðin 161 laxar- LOKATALA
7. Blanda 1.433 laxar – veiði lokið - LOKATALA
8. Grímsá í Borgarfirði 1.264 laxar – vikuveiði 50 laxar
9. Haffjarðará 1.167 laxar – veiði lokið - LOKATALA
10. Laxá á Ásum 1.108 laxar – veiði lokið - LOKATALA

Nánar má kynna sér listann með tölum úr um 40 laxveiðiám hér.

• Blogga um frétt

Seinustu hundraðkallar sumarsins