Krónan styrkist þrátt fyrir lækkaða lánshæfiseinkunn

Krónan hefur styrkst um 0,5% það sem af er degi á gjaldeyrismarki. Gengisvísitala krónunnar var 122,50 stig við opnun markaða klukkan 9 í morgun en klukkan tíu stóð vísitalan í 121,80 stigum. Alls voru viðskipti með krónuna fyrir tíu milljarða króna á fyrsta klukkutímanum eftir að markaðurinn opnaði, samkvæmt upplýsingum frá Glitni.

Í gær lækkaði Fitch Ratings lánshæfismat sitt á íslenska ríkinu. Greint var frá lækkuninni um klukkan 15:40 og lækkaði gengi krónunnar um 1% í kjölfarið en gjaldeyrismarkaðurinn lokaði klukkan 16:00.

• Blogga um frétt