Skeljungur kaupir P/F Føroya Shell

Skeljungur gengur í dag frá kaupum á P/F Føroya Shell sem verið hefur í eigu Shell International Petroleum Company Limited. Starfsemin verður áfram rekin undir vörumerki Shell með sama hætti og hér á landi. Kaupverð er trúnaðarmál.

Í síðustu viku sagði Hakun Djurhuus starfi sínu lausu sem forstjóri P/F Føroya Shell. Skeljungur leitar nú nýs eftirmanns í Færeyjum.

Fram kemur í tilkynningu, að Skeljungur muni taka yfir alla starfsemi P/F Føroya Shell: 10 þjónustustöðvar, tvær birgðastöðvar, 13 olíuflutningabifreiðar og olíuflutningaskipið Magn. Sala til fyrirtækja felst einkum í sölu til sjávarútvegs, gasolíusölu til iðnaðar og innlendra viðskiptavina sem og sölu á bensíni, díselolíu, svartolíu og smurolíum. Hjá félaginu, sem fagnaði 80 ára starfsafmæli árið 2005, starfa um 100 manns.

Skeljungur rekur hér á landi rúmlega 60 útsölustaði og 15 birgðastöðvar um allt land. Hjá Skeljungi starfa nú um 300 manns.

• 1 blogg um fréttina

Bloggað um fréttina

• Hafsteinn Viðar Ásgeirsson: Þessi frétt...