Íslenska krónan ofmetnasta myntin samkvæmt Bic Mac vísitölunni
Setja bókamerki
Íslenska krónan er ofmetnasta myntin samkvæmt Big Mac-vísitölunni sem tímaritið Economist tekur saman. Í henni er borið saman verð á Big Mac-hamborgaranum víða um heim. Samkvæmt henni er gengi íslensku krónunnar gagnvart bandaríkjadal 123% hærra en það ætti að vera, þ.e. ef Big Mac kostaði jafnmikið og í Bandaríkjunum.
Samkvæmt Economist kostar Bic Mac hamborgari 469 krónur á Íslandi sem jafngildir 7,61 dal. Í Bandaríkjunum kostar samskonar hamborgari 3,41 dal. Norðmenn fylgja fast á eftir okkur hvað varðar verðlag en samkvæmt Bic Mac vísitölunni er gengi norsku krónunnar gagnvart bandaríkjadal 102% hærra en það ætti að vera, þ.e. ef Big Mac kostaði jafnmikið og í Bandaríkjunum.
Á evrusvæðinu er hann 22% dýrari en í Bandaríkjunum, í Svíþjóð 42% og í Danmörku 49% dýrari.
Hins vegar er hagstæðast að fá sér Big Mac í Kína en þar er hamborgarinn 58% ódýrari heldur en í Bandaríkjunum.
Kaldasti veturinn kom að óvörum
Bergnuminn í Hvalfirði
Rothissa á vinnubrögðum forystu BÍ
Strand skemmtiferðaskips kallar á erlenda aðstoð
Hvorki sést áður hér á landi né annars staðar
Vonast til að tjaldbúðir við HÍ standi áfram