Spáir 10% verðbólgu í apríl

Greiningardeild Kaupþings spáir 1,7% hækkun á vísitölu neysluverðs í apríl. Gangi spáin eftir mun tólf mánaða verðbólga mælast 10% samanborið við 8,7% verðbólgu í mars.

Bankinn segir, að  svipaðir þættir drífi áfram verðbólgu og að undanförnu: veiking krónu ásamt verðhækkun á eldsneyti og hrávörum. Þá er gert ráð fyrir að húsnæðisliðurinn haldi áfram að hækka vegna hækkandi raunvaxta nýrra íbúðalána á síðasta ári. Markaðsverð húsnæðis muni áfram hafa óveruleg áhrif á verðbólgutölur.

Greiningardeild gerir ráð fyrir að verðbólga mælist áfram há í maímælingu Hagstofunnar. Í sumar taki hins vegar að draga úr verðbólguhraðanum, þegar áhrif yfirskots krónunnar hafi gengið yfir og húsnæðisliðurinn lækkar.

• 2 blogg um fréttina

Bloggað um fréttina

• Magnús Helgi Björgvinsson: Held að ríkisstjórnin ætti að flýta sér hægt núna!
• Alexander Kristófer Gústafsson: Hellú er ekki hægri stjórn á?