Olíuverð í hæstu hæðum

Verð á hráolíu hefur hækkað umtalsvert í dag og fór í fyrsta skipti yfir 120 Bandaríkjadali tunnan. Verð á hráolíu til afhendingar í júní fór í 120,21 dal tunnan í viðskiptum á markaði í New York.

Skýrist hækkunin einkum af því að olíubirgðir virðast minni heldur en áður var talið og lækkun á gengi Bandaríkjadals.

Jafnframt hafði áhrif til hækkunar sá óstöðugleiki sem ríkir í norðurhluta Íraks en þar hafa uppreisnarmenn úr hópi Kúrda átt í skærum við tyrkneska herinn. 

Um helgina sprengdu uppreisnarmenn í Nígeríu upp stöð í eigu Shell og fleiri aðila sem dregur verulega úr framleiðslugetu í landinu. 

• 4 blogg um fréttina

Bloggað um fréttina

• Fríða Rakel Kaaber: Nú er bara að festa kaup á einum svona
• Ketill Sigurjónsson: Pickens was wrong - en er samt svalur gæi
• Markús frá Djúpalæk: Þetta endar kannski bara á einn veg
• Guðrún María Óskarsdóttir.: Þarf að endurmeta stærðarhagkvæmnisforsendur atvinnuvega á Íslandi ?