Toyota sker upp herör gegn vinnuölkum

Japanski bílaframleiðandinn hefur skorið upp herör gegn vinnuölkum en fyrirtækið hefur verið gagnrýnt fyrir gríðarlegt vinnuálag á starfsmenn. Meðal annars hefur fyrirtækið dregið úr greiðslum fyrir yfirvinnu vegna funda utan vinnutíma. Er það í samræmi við dómsúrskurð í nóvember í fyrra eftir að þrítugur starfsmaður Toyota lést vegna of mikils vinnuálags.

Á vef  BBC kemur fram að maðurinn reyndist hafa unnið 106 yfirvinnutíma síðasta mánuðinn sem hann var á lífi, mest af því ólaunað.

Almenningur hefur í auknu mæli gagnrýnt þá vinnustaðamenningu sem hefur einkennt Toyota, og ýmis önnur fyrirtæki, að starfsmenn vinni nánast endalausa yfirvinnu. Segja verkalýðsfélög að fyrirtæki líti á yfirvinnu starfsmanna, oftast ógreidda, sem merki um hollustu.

• 1 blogg um fréttina

Bloggað um fréttina

• Eiður Ragnarsson: Iss...