Cleese fórnarlamb fasteignaverðs

John Cleese er nú orðinn fórnarlamb fasteignaverðlækkana í Bandaríkjunum. Leikarinn, sem eitt sinn var kenndur við Monty Python en er nú af sumum kenndur við Kaupþing, neyddist til að selja villu sína í Kaliforníu með 40% afslætti, miðað við upphaflegt kaupverð.

Húsið í Montecito var áður metið á 2,2 milljarða króna en var selt á 1,3 milljarða króna. Samkvæmt Daily Mail er það skilnaður Cleese við Alice Faye sem hefur leitt hann til sölunnar. Faye hefur krafist tveggja fasteigna af Cleese, helmingi tekna hans frá giftingu þeirra árið 1992 auk greiðslna upp á rúmar 140 milljónir króna á ári.

Cleese virðist þar með einnig orðinn fórnarlamb hærri skilnaðartíðni sem spáð  er nú í erfiðara efnahagsumhverfi.

• 3 blogg um fréttina

Bloggað um fréttina

• Jón Magnússon: Vonandi gerir Kaupþing ekki sömu vitleysu og John Cleese
• Bjarni Kjartansson: Fawlty Towers?
• Sigríður Sigurðardóttir: Að giftast til fjár?