Flæmdur frá Rússlandi

Forstjóri olíufyrirtækisins TNK-BP í Rússlandi hefur yfirgefið landið eftir það sem hann kallar langvarandi áreitni af hálfu rússneskra fjárfesta í fyrirtækinu. TNK-BP er í eigu breska olíurisans BP og hóps rússneskra milljarðamæringa. Robert Dudley segist munu stýra félaginu áfram þrátt fyrir að dvelja ekki lengur í Rússlandi. 

Leiðir hann líkur að því að rússnesku hluthafarnir hafi beitt rússneska ríkinu fyrir sig; að fyrirtækið hafi þurft að sæta fjölda ónauðsynlegra rannsókna af hálfu yfirvalda auk þess sem Dudley hafi átt í miklum erfiðleikum með að fá atvinnuleyfi sitt endurnýjað, þrátt fyrir að vera forstjóri stórs olíufyrirtækis í Rússlandi.

Rússnesku hluthafarnir segjast móðgaðir vegna ásakana Dudleys um áreitni og sögðu tíma til að skipta um forstjóra. 

• 1 blogg um fréttina

Bloggað um fréttina

• Tiger: Flashback to the past - er verndarvængurinn minn horfinn? Eineltisljótleiki …