HP Farsímalagerinn gjaldþrota
Setja bókamerki
Stjórn HP Farsímlagersins ehf., sem hefur rekið verslanir Hans Petersen, ákvað í dag að gefa félagið upp til gjaldþrotaskipta. Fram kemur á heimasíðu Hans Petersen, að verslunum félagsins í Smáralind og Kringlunni hafi verið lokað í gær og starfsmönnum tilkynnt um rekstrastöðvun.
Í dag tók nýtt rekstrarfélag, Verslanir Hans Petersen ehf., við rekstri verslana HP Farsímalagersins ehf. á Laugavegi 178 og Bankastræti 4. Segir á heimasíðunni, að það félag geti tryggt hluta starfsmanna framtíðarstörf. Samkvæmt upplýsingum frá Hans Petersen voru fastráðnir starfsmenn um 20 talsins.
HP Farsímalagerinn rak sjö smásöluverslanir, fjórar undir nafni Hans Petersen í Kringlunni, í Smáralind, á Laugavegi 178 og Bankastræti 4 og þrjár undir nafni Farsímalagersins.is í Miðhrauni í Garðabæ, við Laugaveg 178 og í Smáralind.
Væri að ljúga ef ég segðist ekki stressaður
Strand skemmtiferðaskips kallar á erlenda aðstoð
Krefjast stöðvunar framkvæmda
Vonast til að tjaldbúðir við HÍ standi áfram
Skaut sex sinnum að feðginum á aðfangadagskvöld
Kaldasti veturinn kom að óvörum
Telur forsendur fyrir vaxtalækkun