Lífeyrissjóðir hafa lánað 14 milljarða

Stærstu lífeyrissjóðir landsins hafa samtals lánað 14 milljarða króna til sjóðsfélaga til fasteignakaupa á fyrstu sjö mánuðum ársins. Þetta kemur fram í könnun sem Landssamtök lífeyrissjóða hefur gert.

Í frétt frá Ll segir að í umræðum um lánveitingar til fasteignaviðskipta hafi einatt verið vitnað til samdráttar í lánveitingu bankanna og mikilvægis íbúðalánasjóðs.

"Mikilvægt hlutverk lífeyrissjóðanna hefur gjarnan gleymst í umræðunni um fasteignamarkaðinn. Bæði eru þeir þýðingarmikil uppspretta fjármagns til Íbúðalánasjóðs með kaupum íbúðabréfa og jafnframt hafa þeir um áratugi verið stórir lánveitendur á fasteignamarkaði með lánveitingum til sjóðfélaga," segir í frétt á vef samtakanna.

Til samanburðar voru lánveitingar Íbúðalánasjóðs 33 milljarðar á sama tímabili. "Af þessum tölum má glöggt sjá að lánveitingar lífeyrissjóðanna hafa sem fyrr mikilvægu hlutverki að gegna í viðskiptum með fasteignir landsmanna á sama tíma og viðskiptabankar og sparisjóðir hafa dregið verulega úr lánum til fasteignakaupa."

• 1 blogg um fréttina

Bloggað um fréttina

• Snorri Hrafn Guðmundsson: Aukalega varðandi útlán lífeyrissjóða