Ólafur Ísleifsson: Setja á stjórn Seðlabankans af

Ólafur Ísleifsson, lektor í hagfræði við Háskólann í Reykjavík, segir að ef rétt er haft eftir efnahagsmálaráðgjafa forsætisráðherra, Tryggva Þór Herbertssyni, að stjórnvöld hér sækist ekki eftir aðgengi að lánalínum hjá Seðlabanka Bandaríkjanna, hafa þau skilið krónuna eftir munaðarlausa á víðavangi.

Þetta valdi því að krónan falli eins og steinn með skelfilegum afleiðingum fyrir heimilin og fyrirtækin í landinu, að því er fram kom í hádegisfréttum RÚV.

Sé þetta stefna Seðlabankans, beri ríkisstjórninni umsvifalaust að setja stjórn bankans af og gefa yfirlýsingu um að þetta sé ekki hennar stefna.

Tryggvi Þór Herbertsson, efnahagsmálaráðgjafi forsætisráðherra, segir í Fréttablaðinu í dag að lánalínur á borð við þær sem seðlabankar Norðurlandanna sömdu um við Seðlabanka Bandaríkjanna séu óþarfar hér. Engar upplýsingar hafa fengist frá seðlabönkum Bandríkjanna og Norðurlandanna um aðdraganda samninganna, samkvæmt frétt Fréttablaðsins.

• 3 blogg um fréttina

Bloggað um fréttina

• Guðmundur Jónas Kristjánsson: Þörf á þjóðlegri stjórnlyndisstefnu ?
• Sigríður Laufey Einarsdóttir: Á að reka Seðlabankastjórnina!?
• Hallgrímur Guðmundsson: Þjóðfélag í ánauð hægrisinnaðra öfgamanna