Nikkei ekki lægri í rúm þrjú ár

Nikkei hlutabréfavísitalan lækkaði um 1,94% í Kauphöllinni í Tókýó í dag og er 10.938,14 stig. Hefur vísitalan ekki verið jafn lág í rúm þrjú ár. Lokagildi Nikkei vísitölunnar hefur ekki verið undir 11 þúsund stigum frá 18. maí árið 2005. Hlutabréf lækkuðu talsvert í verði á Wall Street í gærkvöldi og skýrir það einkum lækkunina í Tókýó í morgun.

Í Hong Kong lækkaði Hang Seng vísitalan um 2,3% og hlutabréfavísitölur lækkuðu einnig í Ástralíu, Singapúr, Indlandi, Malasíu og Taílandi. Hins vegar hækkuðu hlutabréf í verði í Taívan.

• 1 blogg um fréttina

Bloggað um fréttina

• Ívar Pálsson: Stýrivextir stefna í lækkun