Englandsbanki lækkar stýrivexti

Englandsbanki tilkynnti rétt í þessu að hann hefði lækkað stýrivexti úr 3% í 2%. Er lækkunin í samræmi við spár sérfræðinga á markaði en um er að ræða lægstu stýrivexti í meira en hálfa öld.

Margir sérfræðingar á markaði hafa fagnað lækkuninni og á hún að vera til þess fallin að örva breskt efnahagslíf, að því er fram kemur á vef BBC.

Hetal Mehta, hjá Ernst & Young Item Club, segir að lækkunin sé „rétt meðal á réttum tíma.“

Englandsbanki sagði að það væri lífsnauðsynlegt að bankar skiluðu lækkuninni til fyrirtækja og annarra viðskiptavina.

• 1 blogg um fréttina

Bloggað um fréttina

• Sumarliði Einar Daðason: Nú þurfum við að hækka vexti!