„Ótrúlega lítil lækkun"
Setja bókamerki
Vilhjálmur Egilsson, framkvæmdastjóri Samtaka atvinnulífsins, segir stýrivaxtalækkun Seðlabanka Íslands um 1 prósentustig vera ótrúlega litla lækkun. „Þetta er miklu minni lækkun heldur en eðlilegt var að reikna með" segir Vilhjálmur.
Í ljósi þeirra forsendna sem fyrir liggja þá komi svo lítil lækkun verulega á óvart. „Það er engin verðbólga í gangi í hagkerfinu. Það er engin eftirspurnarþrýstingur. Það er mikið atvinnuleysi og fer vaxandi. Staða fyrirtækja og atvinnulífsins er ekki með þeim hætti að einhver rekstur standi undir þessu vaxtastigi," segir Vilhjálmur.
Hann segir að með þessum vöxtum, 17%, sé verið að reka flóttann inn á atvinnuleysisbætur.
Að sögn Vilhjálms telja Samtök atvinnulífsins eðlilegt að stýrivextir hefðu verið lækkaðir í 10% og síðan færu þeir hratt lækkandi áfram. Þannig að vaxtamunurinn á milli Íslands og evrusvæðisins yrði kominn undir 3% á mjög stuttum tíma.
Hann segir að SA hafi ítrekað rætt við stjórnvöld um þessi mál og haldið verði áfram að krefjast lækkunar stýrivaxta. Hins vegar hafi ekki verið hlustað á þau sjónarmið hingað til.
Gígbarmurinn hækkað frá því í gær
Handteknir eftir myndatöku í Vesturbæjarlaug
Hvorki sést áður hér á landi né annars staðar
Skemmtiferðaskip hætt komið nærri Viðey
Væri að ljúga ef ég segðist ekki stressaður
Kostnaður meiri en milljón á fermetra
Sex hafa greinst með listeríu
Banna mengandi búnað sem leyfður er á Íslandi