Icelandair til Seattle?

Flugfélagið Icelandair hefur boðað til blaðamannafundar í Kaupmannahöfn í dag, að sögn fréttavefjar ferðablaðsins Take Off. Hefur blaðið eftir heimildarmönnum, að Icelandair ætli að kynna beint flug til Seattle á vesturströnd Bandaríkjanna og fylla þannig skarð SAS, sem ætli að hætta að fljúga þangað. 

Icelandair er með fasta áætlun milli Íslands og nokkurra borga í Norður-Ameríku, þar á meðal Boston, Minneapolis, New York og Orlando.

Í hádeginu í dag mun Birkir Hólm Guðnason, framkvæmdastjóri Icelandair, kynna starfsmönnum félagsins mikilvægar breytingar á starfsmannafundi að Hótel Loftleiðum, samkvæmt upplýsingum frá Icelandair.

• 2 blogg um fréttina

Bloggað um fréttina

• Haraldur Haraldsson: Icelandair til Seattle? SAS hættir að fljúga þarna!!!!
• Bryndís Svavarsdóttir, Marathon Maniac # 3942: Kannski á sumrin, en líst ekkert á það