Voru sammála um að lækka vexti um 1 prósentu
Setja bókamerki
Peningastefnunefnd Seðlabankans var sammála um það á fundi um miðjan mars, að lækka stýrivexti bankans um 1 prósentu, úr 18% í 17%, þann 19. mars. Næsti vaxtaávörðunardagur bankans verður 8. apríl. Þetta kemur fram í fundargerð peningastefnunefndarinnar, sem birt var í kvöld.
Í fundargerðinni kemur fram, að nefndin var sammála um að hagvísar bentu til þess að skilyrði hefðu skapast til þess að draga úr peningalegu aðhaldi. Sveigjanleiki íslenska þjóðarbúskaparins hefði haft í för með sér hraða aðlögun eftirspurnar, raunlauna og vöruskiptajafnaðar.
Nefndin ræddi á fundum sínum 17. og 18. mars um mikilvægi gengisstöðugleika með tilliti til efnahagsreikninga banka og fyrirtækja á meðan unnið sé að endurskipulagningu skulda. Vegna óvarinnar stöðu í erlendum gjaldeyri myndi veruleg gengislækkun tefla efnahag heimila og fyrirtækja í tvísýnu, en veruleg gengishækkun á hinn bóginn veikja eiginfjárgrundvöll nýju viðskiptabankanna sem eru með meiri eignir en skuldir í erlendum gjaldmiðlum.
Peningastefnunefndin var sammála um að hægfara skref í vaxtalækkun væru réttlætanleg vegna þeirrar óvissu sem ríkti um samspil vaxta og gengis og viðkvæms efnahags fyrirtækja, heimila og banka. Einnig var bent á að óvenju mikil óvissa ríkti um horfurnar. Þess vegna ákvað nefndin að halda viðbótar vaxtaákvörðunarfund 8. apríl. Á þeim fundi væri hægt að meta áhrif ákvörðunarinnar, sem tekin var 19. mars auk þess sem nýjar verðbólgutölur lægju þá fyrir.
Þetta eru hjólaframkvæmdirnar sem unnið er að
/frimg/1/29/32/1293273.jpg)
Ekki af baki dottinn og ætlar að opna B5 aftur
Virknin færist í aukana innan 48 tíma
Fimm dauðir hvolpar fundust í poka
Breytingar á skipulagi fréttadeildar RÚV
Rothissa á vinnubrögðum forystu BÍ
Strand skemmtiferðaskips kallar á erlenda aðstoð