Slakað á gjaldeyrishöftum í vor
Setja bókamerki
Svein Harald Øygard, seðlabankastjóri, segir við Reutersfréttastofuna í dag að líklegt sé að eitthvað verði slakað á gjaldeyrishöftunum áður en sumarið gengur í garð án þess að hætta sé talin á að það veiki íslensku krónuna.
Haft er eftir Øygard, að Seðlabankinn sé að vinna að því að gera erlendum fjárfestum, sem lokuðust inni með fjármagn hér á landi þegar bankarnir hrundu í haust, að skipta krónum í evrur.
Hann segir, að rætt sé um að íslensk fyrirtæki, sem hafa tekjur í erlendum gjaldmiðli, geti gefið út skuldabréf í íslenskum krónum sem yrðu endurgreidd með evrum. Þetta myndi gera þeim erlendu fjárfestum, sem vilja flytja fé sitt úr landi, að skipta krónum í evrur.
Øygard segir, að skilyrði fyrir slíkum samningum væri, að þeir yrðu ekki til að veikja gengi krónunnar.
Hann vildi ekki upplýsa um hve háar fjárhæðir væri að ræða.
Bergnuminn í Hvalfirði
Vonast til að tjaldbúðir við HÍ standi áfram
Nemendur í HÍ reistu tjaldbúðir án leyfis
Kostnaður meiri en milljón á fermetra
Hvorki sést áður hér á landi né annars staðar