Svíar samþykkja lán til Íslands

Sænska ríkisstjórnin hefur samþykkt að lána Íslendingum 700 milljónir dala, jafnvirði 90 milljarða íslenskra króna. Er þetta hluti af sameiginlegu norrænu láni sem nemur samtals 2,5 milljörðum dala og tengist áætlun Alþjóðagjaldeyrissjóðsins og Íslands.  

Fram kemur á vef sænska stjórnarráðsins, að Norðurlöndin hafi unnið náið saman að málinu og hafi nú náð samkomulagi um lánasamningana. Þeir taki gildi við undirskrift, sem sé áformuð innan skamms.

Þá kemur fram, að norræna lánið verði greitt út í fjórum jöfnum greiðslum eftir að stjórn Alþjóðagjaldeyrissjóðsins hafi staðfest fyrstu fjórar endurskoðunirnar á íslensku áætluninni.  

• 1 blogg um fréttina

Bloggað um fréttina

• Axel Jóhann Axelsson: Bestu vinir Íslendinga