Myndskeið brátt birt í blöðum

Hreyfimyndir í prentuðum blöðum eru handan við hornið.
Hreyfimyndir í prentuðum blöðum eru handan við hornið.
Blaðaútgefendur eru byrjaðir að gera tilraunir með nýja tækni, sem gerir kleift að birta myndskeið í venjulegum prentuðum blöðum. Fyrsta myndskeiðsauglýsingin mun þannig í september birtast í völdum eintökum bandaríska tímaritsins Entertainment Weekly.

Um er að ræða örþunnan skjá, sem byggir á svonefndri LCD tækni. Skárinn er á stærð við farsímaskjá og inniheldur rafhlöðu og kísilflögu. Myndskeiðið fer af stað þegar blöðum tímaritsins er flett. 

Fram kemur á fréttavef BBC, að fyrstu myndskeiðin muni sýna auglýsingar frá gosdrykkjaframleiðandanum Pepsi og einnig kynningar á væntanlegu efni sjónvarpsstöðvarinnar CBS.  

mbl.is

Bloggað um fréttina

Svæði

Gagnaveitur

Erlendar viðskiptafréttir