Kaupmáttur lækkar enn

Launavísitala, sem Hagstofan reiknar út, hækkaði um 0,02% í ágúst miðað við júlí. Síðastliðna tólf mánuði hefur launavísitalan hækkað um 2,2% en á sama tímabili hefur vísitala neysluverðs hækkað um 10,9%.

Vísitala kaupmáttar launa í ágúst lækkaði um 0,5% frá fyrri mánuði. Síðustu tólf mánuði hefur vísitala kaupmáttar launa lækkað um 7,8%, að sögn Hagstofunnar.

Skrifað var í júlí undir breytingar og framlenging kjarasamninga flestra aðildarfélaga BSRB og ríkis og sveitarfélaga. Samkvæmt samningunum er gert ráð fyrir hækkun launataxta í þremur áföngum, þann 1. júlí 2009, 1. nóvember 2009 og 1. júní 2010. Samkvæmt samningunum hækkuðu launataxtar undir 180 þúsund krónum um 6.750 krónur þann 1. júlí sl. Í júlímánuði voru jafnframt sambærilegir samningar gerðir á milli ríkis og sveitarfélaga og stéttarfélaga starfsmanna á almennum vinnumarkaði.

Samkvæmt ákvörðun Kjararáðs frá 17. júlí 2009 lækkuðu laun skrifstofustjóra í Stjórnarráði Íslands um 5-8% frá 1. ágúst 2009.

• 4 blogg um fréttina

Bloggað um fréttina

• Jakob Falur Kristinsson: Ennþá lækkun
• Haraldur Haraldsson: Kaupmáttur lækkar enn/og skattar og gjöld öll munu hækka!!!!!
• percy B. Stefánsson: Geta okkar til að lifa lífið meir en af fer …
• Bjarni Kjartansson: Dimm ský