Vilja hætta nota dollar í olíuviðskiptum

Bandaríkjadollar hefur fallið í verði í framhaldi af fréttum þess efnis, að olíuríki við Persaflóa eigi í leynilegum viðræðum um að hætta nota dollar sem gjaldmiðil í olíuviðskiptum.

Að sögn breska blaðsins Independent hafa fulltrúar Sadui-Arabíu og Sameinuðu arabísku furstadæmanna einnig átt viðrðæður um málið við Rússa, Kínverja, Japani og Frakka.

Tillögur olíuríkjanna ganga út á að dregið verði úr notkun dollars sem gjaldmiðils í olíuviðskiptum á næstu níu árum og henni hætt að fullu við lok þess tímabils.

Í stað dollars vilja olíuríkin við Persaflóa taka upp sérstaka myntkörfu sem samanstandi af japanska jeninu, kínverska júan, evrunni og nýrri sameiginlegri mynt aðildarríkja samstarfssambands Persaflóaríka.