Alls voru seldar 288 þúsund nýjar fasteignir í Bandaríkjunum í síðasta mánuði. Er það svipaður fjöldi og mánuðinn á undan en 29% minni sala heldur en fyrir ári síðan. Um er að ræða sölu á íbúðarhúsnæði og hefur hún einungis einu sinni verið minni.
Segja sérfræðingar að þetta eigi ekki að koma neinum á óvart enda hafi fasteignasala verið mjög lítil í allt sumar í Bandaríkjunum.
Meðalverð fasteignar er 248.800 Bandaríkjadalir, 28,7 milljónir króna.