1,1 milljarðs hagnaður Haga
Setja bókamerki
Hagnaður Haga nam 1093 milljónum króna á síðasta rekstarári, sem lauk í mars, samanborið við 44 milljóna króna hagnað árið á undan.
Rekstrartekjur rekstrarársins námu 66.700 milljónum króna. Hagnaður fyrir afskriftir, fjármagnsliði og skatta (EBITDA) nam 4384 milljónum króna.
Heildareignir samstæðunnar námu 21.830 milljónum í lok tímabilsins og eigið fé 3612 milljónum. Eiginfjárhlutfall félagsins var 16,5% í lok tímabilsins en skuldir nema rúmum 18 milljörðum króna.
Fram kemur í tilkynningu frá Högum, að lánasamningur félagsins, sem gerður var í október 2009, kveði á um gjalddaga í október 2011, með tveimur framlengingarheimildum til allt að 24 mánaða í senn. Samið hafi verið um framlengingu til október 2012, með frekari framlengingarheimildum eins og kveður á í samningnum.
Ný stjórn var kjörin á aðalfundi félagsins, en í henni eru Árni Hauksson, formaður, Erna Gísladóttir, Guðbrandur Sigurðsson, Hallbjörn Karlsson og Kristín Friðgeirsdóttir.
Árni, Hallbjörn og Kristín eru kosin ný í stjórn Haga í stað Péturs J Eiríkssonar, Steins Loga Björnssonar og Svönu Helen Björnsdóttur, sem voru í fráfarandi stjórn félagsins.
Vilja byggja íbúðir við Eiðistorg
Mun ekki framselja vald sitt til Felix
Ríkisfjármálin ósjálfbær þó staðan sé góð
„Höldum áfram að fylgjast með“
Brotum fjölgar og lögregla oftar vopnuð
3.800 gígawattsstundir af viðbótarorku árlega