Spáir grísku þjóðargjaldþroti
Setja bókamerki
Matsfyrirtækið Standard & Poor's hefur lækkað lánshæfismat Grikklands og vermir landið nú neðsta sæti matsfyrirtækisins yfir lánshæfi ríkja. Telur matsfyrirtækið allt benda til að Grikkland fari í greiðsluþrot.
Þannig hefur matsfyrirtækið lækkað matið niður úr B í CCC og er ákvörðunin m.a. rökstutt með því að líklegt sé að landið fari að minnsta kosti einu sinni í greiðsluþrot fyrir 2013.
Fjallað er um málið á vef breska útvarpsins, BBC, en þar segir að grísk stjórnvöld hafi brugðist við niðurfærslunni með þeim orðum að matsfyrirtækið horfi framhjá viðleitni stjórnvalda í Aþenu til að tryggja endurfjármögnun á skuldum.
Segir þar jafnframt að líklegt sé að Evrópusambandið muni beita sér fyrir endurskipulagningu skulda líkt og þegar ríki lendi í greiðslufalli. Það muni aftur þýða að skilmálarnir verði verri fyrir lánveitendur en fram þessu.
En Grikkir fengu sem kunnugt er neyðaraðstoð frá Evrópusambandinu síðasta sumar vegna greiðsluerfiðleika ríkissjóðs.
Sautján greinst með kíghósta
Ráðherrar taki „lúku úr ríkiskassanum“
Verkfallsaðgerðir á Keflavíkurflugvelli samþykktar
„Eyddi nánast allri nóttina í þetta“
„Fólk þolir óvissu í ákveðinn tíma“
Skila vonandi tillögum til dómsmálaráðherra í dag
Tveir milljarðar tapast vegna vatnsskorts