Greiningardeild Arion banka segir að kostnaðarverbólga gangi nú yfir þar sem áhrif vegna launahækkana, hækkandi hrávöruverðs og veikingar krónunnar komi fram á sama tíma.
Fram kemur í Markaðspunktum að það sé mat Greiningardeildar nú þegar megi greina veik merki þess efnis að birgjar og kaupmenn séu farnir að ýta kostnaðarhækkunum út í verðlagið en fyrstu launahækkanir vegna kjarasamninga hafi átt sér stað 1. júní sl.
Við gerum þó ráð fyrir að sterkari áhrif komi fram á komandi mánuðum. Nú þegar hefur verðlagsnefnd búvara stigið fram og tilkynnt gjaldskrárhækkun á mjólk og öðrum mjólkurafurðum 1. júlí nk. Greiningardeild gerir ráð fyrir að aðrir birgja og kaupmenn fylgi í kjölfarið.
Fram kemur að verðlag hafi hækkað um 0,5% í júní frá fyrri mánuði samkvæmt nýrri verðmælingu Hagstofunnar og mælist ársverðbólgan því nú 4,2% samanborið við 3,4% í maí. Spá Greiningardeildar hljóðaði upp á 0,6%. Frávikin megi rekja til lækkunar á flugfargjöldum ásamt því sem húsnæðisliðurinn hafi haft veikari áhrif en við deildin hafði gert ráð fyrir.