Húsasmiðjan hluti af Bygma

Peter Christiansen eigandi og stjórnarformaður Bygma og Sigurður Arnar Sigurðsson, ...
Peter Christiansen eigandi og stjórnarformaður Bygma og Sigurður Arnar Sigurðsson, forstjóri Húsasmiðjunnar. mbl.is

Húsasmiðjan verður formlega hluti af Bygma, rótgrónu fjölskyldufyrirtæki og einni stærstu byggingavörukeðju í Danmörku frá og með morgundeginum, 21. mars. Í tilkynningu segir að Húsasmiðjan verði þó áfram íslenskt fyrirtæki.

Verslanir og starfsfólk Húsasmiðjunnar verða þar með hluti af yfir 2.100 manna starfsliði Bygma-samstæðunnar sem rekur 93 verslanir í Danmörku, Svíþjóð og Færeyjum. Nafn fyrirtækisins helst óbreytt og verða verslanir áfram reknar undir merkjum Húsasmiðjunnar. Í tilkynningu segir að með sameiningunni við Bygma fylgi tækifæri á hagstæðari innkaupum til hagsbóta fyrir íslenska neytendur og byggingariðnaðinn.

Bygma festi kaup á Húsasmiðjunni í desember á síðasta ári. Bygma hefur verið í eigu sömu fjölskyldunnar frá stofnun árið 1952. Húsasmiðjan var stofnuð árið 1956 og í eigu sömu fjölskyldu til ársins 2003.

mbl.is

Bloggað um fréttina

Svæði

Gagnaveitur

Erlendar viðskiptafréttir