Hæstiréttur Íslands dæmdi erlent lán, sem félag í eigu Karls Wernerssonar tók hjá Kaupþingi árið 2007, lögmætt. Félagið Háttur ehf. tók lánið á sínum tíma en það var jafnvirði rúmlega 400 milljóna íslenskra króna.
Sjö dómarar dæmdu í málinu og mynduðu fjórir þeirra meirihluta. Hæstiréttur telur lánið lögmætt erlent lán m.a. sökum þess að lánssamningurinn er kallaður lánssamningur í erlendum myntum og var lánsfjárhæðin greidd út í svissneskum frönkum og japönskum jenum. Þá greiddi Háttur ehf. einnig afborganir af láninu í erlendri mynt.
Minnihlutinn telur hins vegar lánið vera í íslenskum krónum með ólögmætri gengistryggingu.
Lánið var tekið til að kaupa húseignina Síðumúla 20 til 22 í Reykjavík.
Hér má sjá dóm Hæstaréttar í heild sinni.