Bankamenn á kókaíni ollu hruninu
Setja bókamerki
David Nutt, fyrrverandi ráðgjafi bresku ríkisstjórnarinnar í vímuefnamálum, segir að bankahrunið hafi orðið vegna þess að of margir bankamenn neyttu kókaíns.
Nutt, sem er prófessor, segir að bankamennirnir hafi í kókaínvímu verið fullir sjálfsöryggis og tekið of mikla áhættu.
Grein þessa efnis birtist í Sunday Times og hefur farið eins og eldur í sinu um bresku pressuna í dag. Í greininni segir Nutt að kókaín hafi passað fullkomlega við menningu bankamannanna - sem einkenndist af hraða og spennu og að stækka mikið og ört í viðskiptum. „Bankamenn notuðu kókaín og komu okkur í þetta klúður,“ segir Nutt.
Nutt er þekktur fyrir umdeild ummæli. Hann var rekinn sem ráðgjafi ríkisstjórnarinnar árið 2009 fyrir að skrifa í ritgerð að það væri ekki mikill munur á skaða vegna útreiða og e-pillunotkunar.
Innanríkisráðherra Breta krafðist þess að Nutt bæðist afsökunar. Það gerði hann ekki en bætti um betur og sagði að tóbak og áfengi væri hættulegra heilsunni en sum ólögleg vímuefni, m.a. e-töflur, LSD og kannabis.
Honum var sagt upp í kjölfarið.
Landrisið gæti hafa stöðvast og gosið virðist eflast
Ræða um rekstrarleyfi til 16 ára
Verkefnin snúa að velferð fólksins
Vilja byggja íbúðir við Eiðistorg
Verðskulda allir frambjóðendur jafna athygli?
Ríkisfjármálin ósjálfbær þó staðan sé góð
„Jæja, Jón forseti bara mættur“
„Síðustu leifar náttúrulegs lífs á Íslandi“