Hægir á hagvexti í Japan

Hægt hefur á í hagkerfi Japans undanfarna mánuði og velta hagfræðingar því nú fyrir sér hvort stjórnvöld muni standa við fyrirætlanir um að hækka virðisaukaskatt eður ei. Því hækkunin gæti hægt enn frekar á hagkerfinu.

Hagvöxtur mældist 0,6% í Japan á öðrum ársfjórðungi samanborið við 0,9% á fyrsta fjórðungi. Dregið hefur úr einkaneyslu en eins virðist sem fyrirtæki treysti sér ekki enn til þess að leggja í stórar fjárfestingar og mannaráðningar.

Japan er þriðja stærsta hagkerfi heims á eftir Bandaríkjunum og Japan. Ríkisstjórnin undir forsæti Shinzo Abe ætlar að hækka virðisaukaskatt í þrepum og árið 2015 verði hann kominn í 10%.

Skattahækkunin er talin mjög mikilvæg svo japanska ríkinu takist að skapa nýjar tekjur og um leið greiða niður himinháar skuldir ríkissjóðs.

• 1 blogg um fréttina

Bloggað um fréttina

• Geir Ágústsson: Hvernig á EKKI að efla hagkerfi