Héraðsþingið á Krímskaga ákvað að taka upp rússneska rúblu sem mynt svæðisins. Því hefur þegar verið hrint í framkvæmd.
Krímverjar samþykktu í þjóðaratkvæðagreiðslu um síðustu helgi að sameinast Rússlandi. Atkvæðagreiðslan og góðar viðtökur Rússa við henni hafa verið fordæmdar víða um heim. Bandaríkjamenn beita Rússa refsiaðgerðum. Aðgerðirnar beinast gegn einstökum stjórnmálamönnum en einnig einum banka.
Yfirvöld í Rússlandi samþykktu í dag, með undirskrift forsetans, að innlima Krímskaga í Rússland.