10 milljónir fyrir skýrslu Hannesar
Setja bókamerki
Kostnaður fjármálaráðuneytisins vegna samnings við Félagsmálastofnun Háskóla Íslands um rannsókn á erlendum áhrifaþáttum í kringum bankahrunið nemur 10 milljónum auk virðisaukaskatts. Þetta kemur fram í svari ráðuneytisins við fyrirspurn mbl.is
Upphæðin greiðist þannig að við undirskrift samnings greiðast 2.500.000, 1. nóvember 2014 greiðast 2.500.000, 1. mars 2015 greiðast 2.500.000 og í verklok, áætluð 1. september 2015, greiðast 2.500.000.
Dr. Hannes Hólmsteinn Gissurarson, prófessor, hefur umsjón með verkinu, en það mun meðal annars fela í sér rannsókn á forsendum bandaríska seðlabankans fyrir gjaldeyrisskiptasamningum og neitun á slíkum samningum, rannsókn á forsendum bresku ríkisstjórnarinnar fyrir því að nota lög gegn hryðjuverkum til að loka íslenskum banka og rannsókn á forsendum bresku ríkisstjórnarinnar fyrir því að nota hryðjuverkalög á íslenska banka.
Í svari ráðuneytisins kemur fram að skrifuð verði skýrsla um málið á ensku og að hún verði gefin út.
Væri að ljúga ef ég segðist ekki stressaður
Bergnuminn í Hvalfirði
Krefjast stöðvunar framkvæmda
Strand skemmtiferðaskips kallar á erlenda aðstoð
Breytingar á skipulagi fréttadeildar RÚV
„Höfum ekki náð að skríða upp úr þeirri gryfju“