Miklar breytingar eru í vændum í banka Páfagarðs en undanfarið hefur hópur fjármálasérfræðinga og bandarískt ráðgjafateymi unnið að endurbótum á rekstri bankans.
Jean-Baptiste de Franssu, sem áður var framkvæmdastjóri Investco Europe, er nefndur sem næsti bankastjóri í Páfagarði en hann hefur tekið þátt í umbótastarfinu sem hefur staðið yfir í tæpt ár.
Fyrir ári hét Frans páfi því að auka gegnsæi í rekstri bankans en bankinn er helst þekktur fyrir hneykslismál og laumuspil undanfarin ár.