Bjart framundan hjá Boeing

Bandaríski flugvélaframleiðandinn Boeing hefur sent frá sér uppfærða spá um stöðu fyrirtækisins næstu tvo áratugina. Samkvæmt henni er gert ráð fyrir að fyrirtækið afhendi 36.770 nýjar flugvélar að andvirði 5,2 billjóna Bandaríkjadala (milljón milljónir) á næstu tuttugu árum.

Boeing gerir ráð fyrir að eftirspurnin verði mest frá lággjaldaflugfélögum og að um þriðjungur pantana muni koma frá Kyrrahafsríkjum Asíu.

Á sama tíma og Boeing birtir bjartsýna spá virðist sem skuggi sé að færast yfir einhver flugfélög. meðal annars hafa Air France-KLM og Lufthansa sent frá sér afkomuviðvaranir vegna minnkandi eftirspurnar.

• Blogga um frétt