Álverð hækkar áfram

Álverð heldur áfram að hækka og hefur nú hækkað nær samfellt allt þetta ár, að því er segir í umfjöllun IFS greiningar um málið. Álverð stóð í kringum 1.800 Bandaríkjadölum á tonn í byrjun árs en nemur nú um 2.050 Bandaríkjadölum á tonn.

IFS bendir á að þrátt fyrir aukna framleiðslu í Mið-Austurlöndunum og Kína líti út fyrir að meira jafnvægi sé á markaðinum en áður. Kína virðist líta meira til þarfa markaðarsins, í stað pólitískra áætlana. Þá leiði styrkleikamerki í bílaframleiðslu og umbúðaframleiðslu til væntinga um aukna eftirspurn, að sögn IFS.

• Blogga um frétt