Viðskipti | AFP | 23.9.2014 | 10:57 | Uppfært 24.9.2014 5:43

Nýr evru seðill í umferð í dag

Nýr tíu evru seðill sem erfiðara verður að falsa sökum nýrra öryggisþátta fer í umferð í dag.

Smám saman er nú verið að skipta út seðlunum sem hafa verið í umferð frá því að evran var tekin upp í janúar 2002. Ferlið hófst með nýjum fimm evru seðlum í maí 2013 og næsta skref er stigið í dag með nýja tíu evru seðlinum.

Seðlabankinn beitir heldur nútímalegum aðferðum við kynningu seðilsins en í dag hleypti hann auglýsingarherferð á Youtube á tuttugu og þremur tungumálum af stokkunum auk þess sem myndum af hinum nýja seðil var komið fyrir á samfélagsmiðlinum Flickr. Þá gefst fylgjendum Seðlabankans á Twitter kostur á að vinna iPad spjaldtölvu taki þeir sjálfsmynd af sér með nýja seðlinum.

Endurbætur hafa verið gerðar á nýja seðlinum, líkt og gerðar voru á fimm evru seðlinum sem kynntur var í fyrra þannig erfiðara verður að falsa hann. Vatnsmerkinu var breytt og raðnúmer hans breytir um lit þegar seðlinum er snúið; frá grænum lit í dökkbláan.

Hér má sjá auglýsingu frá Seðlabanka Evrópu.