Ójöfnuðurinn sá mesti í öld

Seðlabankastjóri Bandaríkjanna, Janet Yellen, segist hafa miklar áhyggjur af sífellt stækkandi bili milli ríkra og fátækra í Bandaríkjunum. Hún segir að ójöfnuðurinn sem nú ríki í landinu sá mesti í tæpa öld.

Þetta kom fram í máli Yellen á ráðstefnu í Boston í morgun en að hennar sögn hefur ójöfnuðurinn aukist eftir að kreppan skall á. Hún minntist ekki á peningastefnu Seðlabanka Bandaríkjanna í ræðu sinni né heldur þann óstöðugleika sem nú ríkir á fjármálamörkuðum.

Hún segir að hlé hafi komið á stækkun bilsins milli ríkra og fátækra árið 2008 þegar þeir ríku töpuðu fé í efnahagskreppunni en hléið hafi verið stutt. Því um leið og hlutabréfamarkaðir fóru að rétta úr kútnum, meðal annars með stuðningi ríkisins, hafi þeir ríku auðgast sem aldrei fyrr.

Yellen talaði um að illa gengi að bæta stöðuna á atvinnumarkaði, laun hefðu ekki hækkað á nýjan leik hjá almenningi en fasteignaverð hefði hins vegar hækkað. 

• 3 blogg um fréttina

Bloggað um fréttina

• Egill Jón Kristjánsson: Hvað fóru margir stjórnmálamenn fram með þessa stefnu?
• Haraldur Haraldsson: Ójöfnuðurinn sá mesti í öld/Þetta sannast hjá okkur einnig,ekki bara …
• Páll Vilhjálmsson: Ójöfnuður og fátækt; íslenska samhengið