Til að tryggja stöðugleika í rekstri hefur að undanförnu verið unnið að því að koma upp álverðs-, gjaldeyris- og vaxtavörnum fyrir Orkuveitu Reykjavíkur.
„Við höfum komið upp gjaldeyrisvörnum, varið okkur gagnvart sveiflum í álverði og fest vexti á 97% lána Orkuveitunnar á um 1% vöxtum,“ segir Bjarni Bjarnason, forstjóri OR í samtali í ViðskiptaMogganum í dag.
„Nettóskuldir hafa einnig lækkað úr 234 milljörðum árið 2009 í 167 milljarða á þessu ári.“ Allt saman sé þetta gert til að gera reksturinn stöðugri og verjast áföllum, segir Bjarni, en umskipti hafa orðið í rekstri fyrirtækisins.