Halldór Harðarson hefur verið ráðinn markaðsstjóri Arion banka. Halldór hefur sl. tvö ár starfað sem framkvæmdastjóri markaðssviðs N1. Hann hefur störf hjá bankanum nú í febrúar.
Halldór starfaði áður m.a. sem forstöðumaður markaðsdeildar Símans 2010-2013, framkvæmdastjóri markaðs- og framleiðsludeildar Latabæjar 2008-2009 og forstöðumaður markaðsdeildar Icelandair 2005-2008. Halldór er með B.Sc. gráðu í fjármálum frá Háskóla Íslands.