Tæknifyrirtækjum fjölgar mest

Nýskráningum einkahlutafélaga hefur fjölgað um 4% undanfarna tólf mánuði en á sama tímabili hefur gjaldþrotum fækkað um 12%. Þetta kemur fram í nýjum tölum frá Hagstofu Íslands.

Nýskráningum einkahlutafélaga síðustu 12 mánuði, frá febrúar 2014 til janúar 2015, hefur fjölgað um 4% samanborið við 12 mánuði þar á undan. Alls voru 2.010 ný félög skráð á tímabilinu. Mest er fjölgun nýskráninga í flokknum Sérfræðileg, vísindaleg og tæknileg starfsemi, 36% á síðustu 12 mánuðum.

Gjaldþrot einkahlutafélaga síðustu 12 mánuði, frá febrúar 2014 til janúar 2015, hafa dregist saman um 12% samanborið við 12 mánuði þar á undan. Alls voru 811 fyrirtæki tekin til gjaldþrotaskipta á tímabilinu. Gjaldþrotum í flokknum fasteignaviðskipti hefur fækkað mest, eða um 33% á síðustu 12 mánuðum.

• Blogga um frétt