Þremur dönskum framkvæmdastjórum hjá skipafélaginu Mærsk hefur verið vikið frá störfum. Mærsk er hluti af alþjóðlega fyrirtækinu APM Terminals og samkvæmt Berlingske brutu framkvæmdastjórarnir verklagsreglur móðurfélagsins.
Berlingske hefur fengið staðfest að fjármálastjórinn, Christian Møller Laursen, starfi ekki hjá fyrirtækinu og ekki heldur Martin Gaard Christiansen og Michael Lund Hansen.
Ekki hefur fengist upplýst um hvaða ástæður liggja að baki uppsögnunum en þremenningarnir eru allir með langa starfsreynslu hjá Mærsk.
Afkoma fyrirtækisins var kynnt fyrr í vikunni og er hún samræmi við áætlanir.