Icelandair og Air Berlin voru stundvísustu flugfélögin sem flugu um Keflavíkurflugvöll í júlí. Annan mánuðinn í röð var Wow air óstundvísasta flugfélagið og á það bæði við um brottfarir og komur. Þetta kemur fram í útreikningum Dohop, en þeir byggja á tölum frá Isavia.
Dohop hefur skoðað stundvísi flugfélaganna á nýliðnum mánuði og kom í ljós að flugfélögin Icelandair og Air Berlin voru stundvísust við brottfarir, með 76% brottfara á réttum tíma. Meðaltöf við brottfarir er þó lægri hjá Airberlin, eða tæpar 9 mínútur, en Icelandair er með rúmar 10 mínútur í meðaltöf. Icelandair hefur verið með 1.253 brottfarir í júlímánuði frá Keflavíkurflugvelli og Air Berlin var með 67 brottfarir. Við komur til Keflavíkur var þýska flugfélagið Air Berlin annan mánuðinn í röð stundvísast með um 87% stundvísi. Annan mánuðinn í röð í röð er Wow air óstundvísasta flugfélagið bæði við brottfarir og komur.
Flugfélag |
Hlutfall brottfara á réttum tíma |
Meðaltöf í mínútum |
Hlutfall komu á réttum tíma |
Meðaltöf í mínútum |
Icelandair |
76% |
10,18 |
74% |
13,02 |
WOW air |
73% |
7,96 |
69% |
11,09 |
EasyJet |
74% |
10,14 |
84% |
6,70 |
Air Berlin |
76% |
8,91 |
87% |
3,70 |