Góð ávöxtun sjóða hjá GAMMA

Gamma hefur hreppt góðan byr það sem af er þessu ári. Sjóðir í rekstri þess skila góðri ávöxtun.

Rekstrarhagnaður Gamma á fyrstu sex mánuðum ársins er nú þegar orðinn meiri en allt árið í fyrra. Þá nam hann tæpum 260 milljónum króna.

Í samtali í ViðskiptaMogganum í dag segist Gísli Hauksson, forstjóri fyrirtækisins, hafa mikla trú á því að næstu ár geti orðið íslensku samfélagi mjög hagfelld. Fyrirtæki hans býr nú í haginn fyrir viðskiptavini sína í aðdraganda þess að fjármagnshöftum verði aflétt og hefur í því skyni opnað skrifstofur í London.