Vinnusamasti íslenski leikarinn?

Á þeim 24 árum sem liðin eru frá því að Ingvar E. Sigurðsson lék í sinni fyrstu kvikmynd hefur hann leikið í 31 íslenskri kvikmynd. Á þeim tíma hefur verið gerð 141 kvikmynd hér á landi.

Ingvar hefur þannig leikið í 22 prósent allra kvikmynda sem gerðar hafa verið frá árinu 1992. Þetta kemur fram hjá Fréttatímanum sem bendir á að Ingvar sé líklega meðal duglegustu leikara landsins.

Auk þess að leika í meira en einni íslenskri kvikmynd á ári að meðaltali hefur hann þá einnig tekið að sér hlutverk í nokkrum erlendum kvikmyndum á borð við Everest og K-19. Þá hefur hann haldið trú sinni við leikhúsið og leikið mörg stór hlutverk í Þjóðleikhúsinu og Borgarleikhúsinu auk þess að hafa verið einn af stofnendum Vesturports.

• Blogga um frétt