Fjórir grískir bankar verða að útvega 14,4 milljarða evra svo þeir geti þolað efnahagslegt álag, samkvæmt niðurstöðu álagsprófs sem Seðlabanki Evrópu gerði á grískum fjármálastofnunum.

Þetta er mun lægri fjárhæð heldur en búist var við að þeir þyrftu að útvega. Bankarnir sem um ræðir eru: Alpha Bank, Eurobank, National Bank of Greece (NBG) og Piraeus Bank. 

Í ljós kom að ef efnahagshorfur versna til muna í Grikklandi þá vantar 14,4 milljarða evra upp á að það stæðust slíkt áfall, samkvæmt niðurstöðu álagsprófsins. Um er að ræða könnun á eignagæðum bankanna og og álagspróf sem unnið var að á vegum Evrópska seðlabankans. Markmið álagsprófsins er að meta viðnámsþrótt banka innan Evrópusambandsins.

Tengdar fréttir

Grikkland

Ferðamönnum boðið frítt til Grikklands

• Grikkir ganga til kosninga
• Sprengjutilræði í Aþenu
• Efnahagsaðstoð við Grikki lokið
• Ekkert samkomulag um afskriftir

» Fleiri tengdar fréttir

• Blogga um frétt