Olís styrkir fimm góðgerðarfélög
Setja bókamerki
Næstu fimm föstudaga munu fimm krónur af hverjum seldum eldsneytislítra renna til nokkurra góðra málefna; Styrktarfélags barna með einhverfu, Mæðrastyrksnefndar, Neistans styrktarfélags hjartveikra barna, Geðhjálpar og Landsbjargar. Verkefnið ber heitið „Gefum & gleðjum“.
,,Það er okkar samfélagslega skylda að leggja góðum málefnum lið. Olís hefur undanfarin ár styrkt myndarlega við hin ýmsu verkefni, samtök & íþróttafélög og því viljum við halda áfram,“ er haft eftir Jóni Ólafi Halldórssyni, forstjóra Olís, í tilkynningu. „Það þurfa allir á eldsneyti að halda í jólaösinni og með því að koma við á næstu Olís eða ÓB stöð á föstudegi þá getur þú látið gott af þér leiða.“
Verkefnið „Gefum & Gleðjum“ er á þá vegu að hvert þessara fimm félaga mun eiga sinn föstudag. N.k. föstudag, þann 27. nóvember, munu fimm krónur af hverjum seldum lítra á Olís og ÓB fara til stuðnings Styrktarfélagi barna með einhverfu, þann 4. desember til Mæðrastyrksnefndar, 11. desember til Neistans, 18. desember til Geðhjálpar og Landsbjargar milli jóla og nýárs.
Skemmtiferðaskip hætt komið nærri Viðey
Skiptir miklu meira máli en fólk grunar
„Það þarf að vinna mikinn fjölda upp“
„Hvílir mikil leynd yfir þessu öllu“
Telur forsendur fyrir vaxtalækkun
Sex hafa greinst með listeríu