Tinder hvetur til líffæragjafa

Stefnumótaforritið Tinder hvetur nú fólk til líffæragjafa. Nokkrir reikningar í nafni fræga fólksins hafa verið stofnaðir og þegar notendur sýna áhuga fá þeir einungis skilaboð með hvatningu um að skrá sig sem líffæragjafa. Ekkert stefnumót.

Þetta á aðeins við í Bretlandi og eru það einungis notendur á aldrinum 18 til 35 ára sem fá skilaboðin. „Ef það það væri bara svona auðvelt að finna líffæragjafa,“ stendur þar.

Tinder hefur verið að prófa sig áfram með auglýsingar í forritinu en fyrr á árinu fékk vélmenni úr kvikmyndinni Ex-Machina reikning á síðunni og spjallaði við notendur.

Þá hafa fyrirtæki einnig verið að nýta sér vettvanginn fyrir eigin markaðssetningu. Þar má t.d. nefna WOW air sem heldur úti reikning á Tinder þar sem notendum gefst kostur á að vinna flugmiða sé daðrið gott.

Fréttmbl.is:WOW daðrar og gefur flugmiða

Skjáskot frá Twitter-síðu WOW. Hér hefur einhver verið að reyna við flugmiða með ágætum árangri. Samsett mynd

• Blogga um frétt