Minnsti hagvöxtur í aldarfjórðung

Hagvöxtur mældist 6,9% í Kína í fyrra en árið 2014 mældist hagvöxturinn 7,3%. Þetta r minnsti hagvöxtur í Kína í aldarfjórðung en þrátt fyrir það er hann í takt við markmið stjórnvalda sem höfðu sett 7% hagvöxt sem markmið fyrir árið 2015.

Hagvaxtartölurnar höfðu jákvæð áhrif á fjárfesta víða í Asíu enda nánast í takt við væntingar. En hagvöxturinn er mun minni en árið á undan og sýnir svart á hvítu hvaða erfiða starf bíður stjórnvalda í Kína sem berst við að ræsa hagvaxtarvélina sem einkennt hefur landið undanfarna áratugi.

Helsta hlutabréfavísitalan í Sjanghaí, sem hefur lækkað um tæp 20% frá áramótum, hækkaði um 3,2% í dag en miklar sveiflur voru á gengi hlutabréfa í Kína í dag. Í Hong Kong hækkaði Hang Seng vísitalan um 1,4% og í Tókýó hækkaði Nikkei vísitalan um 0,6%.

AFP

Hagvöxturinn hefur ekki verið jafn lítill í Kína í 25 ár en samt er hann meiri en víðast hvar annars staðar. AFP

• Blogga um frétt